...فيه ناس

فيه ناس تساعدك لما تكون أنت محتاج مساعدة،
   وناس تساعد لما تكون هي محتاجة تفرح بنفسها
   (ما هو لما تبان خدوم شكلك يبقى حلو ويفرح)

فيه ناس تساعدك من غير ما تطلب، وناس تذلك عشان تساعدك

فيه ناس تساعدك زي ما أنت عايز حتى لو جت على نفسها،
   وناس تساعد بس باللي في نفسها - حتى لو كان ما ينفعك

فيه ناس تساعد وتزعل لما تشكرها،
   وناس تزعل لما ما تشكرهاش
   ومش بعيد تكون سحبت إيدها قبل ما تكمل المساعدة
   (ما هو كانت ناوية بس أنت اللي حظك كدة!)

وكلنا ناس... وكلها مساعدة...

Can't catch a fish! -  Singapore